हेटौंडाः हेटौंडा–१०, स्थित सामुदायिक आँखा अस्पतालले साउन ३१ गतेसम्म आकस्मिक सेवा मात्र खुल्ला रहने जनाएको छ । अस्पतालका एक सुरक्षाकर्मीमा सोमबार कोरोना पुष्टि भएसँगै अस्पतालको सम्पूर्ण विभागहरु सफाइ गर्नुपर्ने भएकाले साउन ३१ गतेसम्म आकस्मिक बाहेकका अन्य सेवाहरु सबै बन्द गरिएको अस्पतालका प्रशासकिय अधिकृत सुधीर श्रेष्ठले बताउनुभयो । साउन ३१ गतेपछि भने पुनः अन्य सेवाहरु पनि सञ्चालन गरिने उहाँको भनाइ छ । आज आँखा अस्पताललाई हेटौंडा उपमहानगरपालिकाले डिसइन्फेक्सन गरेको छ ।
