हेटौँडाः हेटौँडा–४ स्थित हेटौँडा स्कूल अफ म्यानेजमेन्ट एण्ड सोसियल साइन्सेसको आयोजनामा जारी बास्केटबल प्रतियोगिताअन्तर्गत मंगलबारको दुई खेल भएका छन् । दुबै खेलमा व्यवस्थापन संकाय विजयी भएका हुन् । मंगलबार भएको खेलमा कक्षा–१२ को व्यवस्थापन संकाय र कक्षा–११ को व्यवस्थापन संकाय विजयी भएको हो ।
पहिलो खेलमा कक्षा–१२ को होटल म्यानेजमेन्टलाई ४३–५४ अंकले हराउँदै व्यवस्थापन संकाय विजयी भएको हो । यस्तै दोस्रो खेलमा कक्षा–११ को विज्ञान संकायलाई ३९–२३ अंकले हराउँदै कक्षा–११ को व्यवस्थापन संकाय विजयी भएको हो । प्रतियोगितामा ६ वटा छात्र र २ वटा छात्रा गरी जम्मा ८ टिमको सहभागिता रहेको छ । प्रतियोगिताको फाइनल खेल बुधबार हुनेछ । प्रतियोगिताको विजेताले ७ हजार रुपैयाँ र उपविजेताले ५ हजार रुपैयाँसहित शिल्ड, मेडल तथा प्रमाणपत्र प्राप्त गर्नेछन् ।
