हेटौँडाः मोबाइल एसोशिएसन अफ नेपाल (म्यान) मकवानपुरले यस वर्षको दशैं, तिहार तथा छठ पर्वमा मोबाइल खरिद गर्ने ग्राहकका लागि १२ लाख रुपैयाँभन्दा बढी रकम बराबरको पुरस्कार प्रदान गर्ने भएको छ । मंगलबार कार्यालयमा पत्रकार सम्मेलनको आयोजना गर्दै म्यान मकवानपुरले उक्त कार्यक्रमबारे जानकारी गराएको हो ।
म्यान मकवानपुरका वरिष्ठ उपाध्यक्ष एवम् कार्यक्रम संयोजक हरी प्रसाद न्यौपानेले यस वर्षको मुख्य चाडमा १२ लाख २३ हजार ५ सय रुपैयाँ बराबरको पुरस्कार प्र्रदान गर्ने बताउनुभयो । उहाँका अनुसार म्यान मकवानपुरले बम्पर उपहार अन्तर्गत एक जनालाई स्कुटर, एक जनालाई ४ दिने थाइल्याण्ड भ्रमण, इफिनिक्स जिरो वान एक जनालाई, नेकब्याण्ड २ सय ५ जनालाई, स्मार्ट वाच ५० जनालाई, हेडफोन ४० जनालाई, छाता ३० जनालाई, एमआई इयरफोन ५० जनालाई, स्टाइलाजर ५ जनालाई, वानप्लस व्याण्ड १५ जनालाई इयरवडस १ सय ५ जनालाई, किप्याड फोन २० जनालाई र ११ जनालाई स्मार्टफोन प्र्रदान गरिने भएको छ ।
जुनसुकै कम्पनिका मोबाइल खरिद तथा मर्मत गर्दा एउटा कुपन प्रदान गरिने र यो जिल्लामा मात्र लागु हुने उहाँले बताउनुभयो । असोज १ गते मंगलबारदेखि मंसिर ५ गतेम्म यो योजना लागु हुने उहाँले बताउनुभयो । त्यसको नतिजा मंसिर १५ गते खुला गरिने भएको छ । म्यान मकवानपुरले हरेक वर्ष चाडपर्वको अवसरमा विभिन्न उपहारहरु कार्यक्रम सञ्चालन गर्दै आएको छ । म्यान मकवानपुरका अध्यक्ष नवराज चौलागाईको सभाध्यक्षतामा भएको कार्यक्रममा संस्थाका संस्थापक अध्यक्ष छतेन्द्र आचार्य, उपाध्यक्ष हरिप्रसाद न्यौपाने (सागर), र महासचिव राजकुमार दाहाल लगायतका उपस्थिति रहेको थियो ।
