हेटौँडाः नेपाली कांग्रेस बागमती प्रदेश संसदीय दलका उपनेता रामकृष्ण चित्रकारले सरकार प्रदेशसभा प्रति जिम्मेवार बन्न नसकेको आरोप लगाउनु भएको छ । उहाँले प्रदेश सरकारको बजेट माथिको छलफलमा मन्त्रीहरु अनुपस्थित हुन गैरजिम्मेवार पन भएको टिप्पणी गर्नुभयो ।
मंगलबार बसेको प्रदेशसभा बैठकमा ५ वटा मन्त्रालयको बजेट माथिको छलफलमा भाग लिँदै उपनेता चित्रकारले प्रदेश सरकारले आगामी आर्थिक वर्षका लागि ७ अर्व घाटाको बजेट ल्याएको बताउनुभयो । उनका अनुसार सरकारले बजेटमा आर्थिक अनुसाशन कायम गर्न सकेको छैन ।
सरकारको ढुकुटीमा मन्त्रीहरुले आफ्नो राज्य चलाइरहेका छन् । मन्त्रीहरु ध्रुत बनेर राज्य दोहन गरिरहेका छन् । मन्त्रीहरुका कारण नागरिकले बजेट माथि गरेको अपेक्षा व्यर्थ भएको छ ।’ उहाँले भन्नुभयो, ‘हाट बजारमा तरकारी किन्दा हुने बार्गेनिङ जस्तो प्रदेश सरकारको बजेटमा भएको छ ।’
प्रदेशका नागरिकहरुले बजेट मार्फत् दिगो आर्थिक विकास खोजेको उहाँले बताउनुभयो । नागरिकको अपेक्षा विपरित सरकारले बजेट ल्याएर प्रदेशको समृद्धि गुमाएको उहाँको भनाई छ ।
‘बजेटमा प्रतिपक्षले उठाएको सवल अर्थतन्त्रको लागि रोजगारी सृजना गर्न हुनुप¥यो । उत्पादन र उत्पादकत्व वृद्धिमा बजेट प्राथमिकता हुनुपर्छ । बजेट मार्फत् राज्यको ढुकुटी वृद्धि (राजस्व वृद्धि)को मोडल तय गर्नेपर्छ । तर, सरकार त्यस विषयमा जिम्मेवार बन्न सकेको छैन । सरकारले आर्थिक समृद्धि, रोजगारी सृजना, उत्पदान वृद्धिका विषय बजेटमा समेट्न सकिएको छैन ।’ उपनेता चित्रकारले भन्नुभयो ।
उनका अनुसार बजेटमा आर्थिक वृद्धि रुग्ण उद्योग, युवा पलायनको अपक्षा सरकारले समेट्न सकेको छैन । सरकार कनिका छरे सरह बजेट बाँडेर ढुकुटि रित्याउन केन्द्रीत रहेको उहाँले बताउनुभयो ।
