हेटौँडाः बागमती प्रदेश सभा सदस्य युवराज चौलागाईले नीति तथा कार्यक्रमलाई बजेटले सम्बोधन गर्न नसक्नु सरकारको कमजोरी रहेको बताउनुभएको छ । उहाँले सरकारको बजेट आम नागरिकको हितमा रहनु पर्ने बताउनुभयो ।
प्रदेश सभाको मंगलबार बसेको बैठकमा सरकारको ५ वटा मन्त्रालयको बजेट माथिको छलफलमा भाग लिँदै सांसद चौलागाईले भौगोलिक सन्तुलन कायम गर्न नसकेको बताउनुभयो । विगतका सरकार कै लयमा अहिलेका मन्त्रीहरुले बजेट कार्यक्रम केन्द्रीत गरेको उहाँ भनाई छ । आर्थिक अवस्थाको कारण सरकारको बजेटमा चुनौति रहेको उहाँले बताउनुभयो ।
‘विगतमा अरुले जे गरे, अहिलेको सरकारले त्यही गरेको छ । यथार्थ धरताललाई टेकेर काम गर्न सक्ने नेतृत्व अहिलेको अवस्था हो । वर्ग विहीनताको सिद्धान्त बोकेर वर्ग निर्माण गरिएको छ । यो हिपोकेसीबाट अलग हुनुपर्छ ।’ उनले भने, ‘आर्थिक वृद्धि कमजार छ । रजस्वको अवस्था न्यून रहेको छ । पूँजिगत खर्चको अवस्था कम रहेको छ । अन्यको तुलनामा प्रदेश सरकारले केही नयाँ कार्यक्रमलाई प्राथमिकतामा राखेको छ । टुक्रे बजेटलाई निरुत्साहित गर्ने प्रत्यत्न रहेको छ ।’ चौलागाई नेकपा माओदीका सांसद समेत हुनुहुन्छ ।
