हेटौंडाः बागमती प्रदेशको विनियोजन विधेयक २०७७ को छलफलका क्रममा सांसद पशुपती चौलागाईले प्रदेशको भुगोल, अवस्था, दुर्गम र सुगम दुवै स्थानलाई समेटेर बजेट विनियोजन भएको बताउनुभयो ।
उहाँले गाउँपालिका र नगरपालिकाहरुले चालु वर्षमा मुलुक लकडाउनका कारण बजेट खर्च हुन नसक्ने बताएको भन्दै प्रदेश सरकारले के कारणले बजेट खर्च हुन नसकेको बाटो खुलाउनुपर्ने बताउनुभयो । चालु वर्षको गाउँपालिका र नगरपालिकाको बजेट खर्च नभएमा योजनाहरु अधुरै रहने भन्दै उहाँले प्रदेश सरकारको ध्यानाकर्षण पनि गराउनुभएको छ ।
