हेटौंडाः छायाँछवि चलचित्र पत्रकारिता पुरस्कारबाट पत्रकार महासंघ मकवानपुरका अध्यक्ष मणिराज गौतम पुरस्कृत हुनुभएको छ । शुक्रबार काठमाडौंमा आयोजित १५ औं प्रिज्मा डी सिने अवार्ड समारोहको अवसरमा पत्रकार महासंघ मकवानपुरका अध्यक्ष गौतमलाई ‘छायाँछवि चलचित्र पत्रकारिता पुरस्कार’ प्रदान गरिएको हो ।
पत्रकार गौतमलाई नगद १५ हजार रुपैयाँको पुरस्कारसहित ‘छायाँछवि चलचित्र पत्रकारिता पुरस्कार’ प्रदान गरिएको छ । कार्यक्रममा नेपाली चलचित्र क्षेत्रका विभिन्न व्यक्तित्व तथा प्रतिष्ठित संघसंस्थाका प्रतिनिधिहरूको उपस्थिति रहेको थियो । पुरस्कार प्रदान गरेकोमा खुशी व्यक्त गर्दै गौतमले आयोजक छायाँछवि क्रिएसनप्रति आभार व्यक्त गर्नुभयो ।
