हेटौंडाः बारा जिल्लाको कलैयामा जारी दोस्रो संस्करणको कलैया टी–२० मेयर कप क्रिकेट प्रतियोगितामा मकवानपुरका क्रिकेट टिम पराजित भएको छ । बिहीबार भएको पहिलो खेलमा मकवानपुर गौर क्रिकेट टिमसँग ९ विकेटले पराजित भएको हो ।
गौरले १२.१ ओभरमा १ विकेटमात्र गुमाएर लक्ष्यलाई भेट्टायो । टस जितेर पहिला ब्याटिङ थालेको मकवानपुरले गौरलाई जितका लागि ७४ रनको लक्ष्य दिएको थियो । १४.२ ओभरमा सबै विकेट गुमाएर मकवानपुरले ७३ रनमात्र बनाएको हो । गौरका विजय यादवले सर्बाधिक ३१ रन बनाए । मकवानपुरले अब शुक्रबार वीरगञ्ज नेशनल इन्फोटेकसँग खेल्नेछ । प्रतियोगिताको फाइनल खेल आइतबार हुनेछ । प्रतियोगिताको विजेता टिमले ५० हजार रुपैयाँसहित शिल्ड, मेडल तथा प्रमाणपत्र प्राप्त गर्नेछन् भने उपविजेता टिमले ३० हजार रुपैयाँ प्राप्त गर्नेछन् ।
