हेटौंडाः हेटौंडा–१८, हर्नामाडीमा रहेको श्री गोरक्षनाथ माध्यमिक विद्यालयमा नयाँ प्रधानाध्यापक नियुक्त गरिएको छ । मंसिर १२ गते मीना श्रेष्ठ विद्यालयको नयाँ प्रधानाध्यापक चयन हुनुभएको हो ।
विद्यालय व्यवस्थापन समिति र शिक्षक अभिभावक संघको निर्णयअनुसार श्रेष्ठलाई प्रधानाध्यापक नियुक्त गरिएको श्रेष्ठले बताउनुभयो । विद्यालयका शिक्षकमध्ये आफू पेसाप्रति लगनशील र अनुभवी रहेको प्रधानाध्यापक श्रेष्ठले दावी गर्नुभयो । लामो समयदेखि विद्यालयमा कार्यरत रहेको र विद्यालयका गतिविधिमा उत्कृष्ट कार्य गरेकाले आफूलाई प्रधानाध्यापक बनाइएको उहाँले जानकारी दिनुभयो ।
