हेटौंडाः हेटौंडाको डिलरबाट बजाज कम्पनिको मोटरसाइकल खरिद गरेका निजगढका बुद्धिबहादुर दोङले लक्की ड्रमा एक लाख रुपैयाँ जित्नु भएको छ । “८ हजार पक्का १ लाख जित्ने मौका” अभियानमा मोटरसाइकल खरिद गर्नुभएका दोङले पहिलो सातामै १ लाख रुपैयाँ जित्न सफल हुनुभएको हो ।
होराइजन अटो प्रालि हेटौंडाबाट पल्सर १ सय ५० सिसिको मोटरसाइकल खरिद गर्नुभएका बारा जिल्लाको निजगढका दोङले १ लाख रुपैयाँ जित्नुभएको होराइजन अटो प्रालिका सञ्चालक लालकाजी रत्न बज्राचार्यले जानकारी दिनुभएको हो । बज्राचार्यका अनुसार यसअघि पनि हेटौंडाका बजाज खरिदकर्ताहरुले यस्तै चिठ्ठा प्राप्त गरेको छ । यसअघि हेटौंडाको पदमपोखरीका कृष्ण लामाले फोर्ड फिगो कार उपहार प्राप्त गर्नु भएको थियो ।
