हेटौंडाः ग्रील तथा स्टील व्यवसायी संघ मकवानपुरले जिल्लाको थाहा नगरपालिकामा उत्तरी क्षेत्र समिति गठन गरेको छ । शनिबार जिल्ला समितिले थाहा नगरमा एक भेलाको आयोजना गरी निरञ्जन श्रेष्ठको अध्यक्षतामा सर्वसम्मत ७ सदस्यीय उत्तरी क्षेत्र समिति चयन गरेको छ ।
उत्तरी क्षेत्र समितिको उपाध्यक्षमा सुवास गोपाली, सचिवमा मधु बिक र कोषाध्यक्षमा कुमार गोपाली चयन हुनुभएको छ । यस्तै सदस्यमा कमल सुनार, मंगल गोपाली र राजन गोपाली चयन हुनुभएको छ । जिल्ला सदस्य समेत रहनुभएका विजय श्रेष्ठलाई सल्लाहकार चयन गरेको छ । निरन्जन श्रेष्ठको अध्यक्षता तथा थाहा नगरपालिकाका उपप्रमुख भरत गोपालीको प्रमुख आतिथ्यमा उद्घाटन कार्यक्रम भएको थियो ।
कार्यक्रममा थाहा नगरपालिका–१ का वडा अध्यक्ष हेरमान गोपाली, ५ नम्बर वडा अध्यक्ष विष्णुबहादुर गुरुङ, ग्रील तथा स्टील व्यवसायी महासंघका सचिवालय सदस्य प्रकाश पौडेल, मकवानपुर जिल्ला अध्यक्ष केशव प्रसाईको आतिथ्यता रहेको थियो । व्यवसायीको हितका लागि उत्तरी क्षेत्र समिति गठन गरिएको जिल्ला सचिव रवि नकर्मीले जानकारी दिनुभएको छ ।
