हेटौंडाः भरुवा बन्दुकसहित लागूऔषध अफिमसहित मकवानपुर प्रहरीले मकवानपुरगढी गाउँपालिका–५ का ५२ बर्षीय डिल बहादुर गोङ्बालाई पक्राउ गरेको छ ।
बिहीबार साँझ ५ बजेर ३५ मिनेटको समयमा विशेष सूचनाको आधारमा जिल्ला प्रहरी कार्यालय मकवानपुर र मकवानपुरगढी गाउँपालिकाको धादिङस्थित अस्थायी प्रहरी पोष्टबाट खटिएको प्रहरी टोलीले गोङ्वाले घरभित्र लुकाई–छिपाई राखेको अवस्थामा लागूऔषध अफिम जस्तो देखिने पदार्थ ७५ ग्राम, लागूऔषध गाँजा ७०० ग्राम र एक नाले भरुवा बन्दुक फेला परेको जनाएको छ । लागूऔषध अफिम जस्तो देखिने पदार्थ, लागूऔषध गाँजा र भरुवा बन्दुकसहित गोङ्बालाई नियन्त्रणमा लिई थप अनुसन्धान भईरहेको प्रहरीले जानकारी दिएको छ ।
