हेटौंडाः नेपाली कांग्रेसको १४ औं महाधिवेशन अन्तर्गत बागमती प्रदेश समितिको अधिवेशनमा निर्वाचन कार्य अझै सुरु हुन सकेको छैन । बिहान ८ बजेदेखि नै मतदान सुरु हुने निर्वाचन कार्यतालिका भए पनि मतपत्र छपाउने कार्य नसकिएकाले अझै मतदान सुरु हुन सकेको छैन ।
प्रमुख निर्वाचन अधिकृत केशव काफ्लेका अनुसार मतपत्र छपाईको कार्य सकिन अझै एक घण्टा लाग्नेछ । बागमती प्रदेश समितिको निर्वाचनमा प्रदेश सभापति पदका लागि तीन जनाको उम्मेदवारी परेको छ । नेपाली कांग्रेसका सभापति शेरबहादुर देउवा पक्षबाट ईन्द्रबहादुर बानियाँ, संस्थापनइतर समूहबाट जगदिश्वर नरसिंह केसी र कृष्ण सिटौला समूहबाट भीमसेनदास प्रधान प्रदेश सभापतिको उम्मेदवार बन्नु भएको छ । पदाधिकारीसहित ९१ पदका लागि २ सय ५७ जनाको उम्मेदवारी परेको छ ।
