हेटौंडाः नेपाली कांग्रेस मकवानपुरका जिल्ला सदस्य गोपिप्रसाद अधिकारीले केहिदिन यता आफु विरुद्ध पार्टी परिवर्तन गर्न लागेको भनि चलाएको हल्ला प्रति गम्भिर ध्यानाकर्षण भएको बताउनुभएको छ ।
एक प्रेस नोट सार्वजनिक गर्दै जिल्ला सदस्य अधिकारीले केहि गलत नियतका व्यक्तिहरुले आफ्नो चरित्र हत्या गर्ने दुस्प्रयास गरेको भन्दै यस्ता भ्रमपूर्ण अभिव्यक्ति र हल्लाप्रति नलाग्न आग्रह गर्नुभएको छ ।
तत्कालिन मकवानपुर गढी गाविसको कांग्रेस सभापतिको रुपमा दुई/दुई पटक नेतृत्व गरिसकेको र हाल जिल्ला कार्यसमितिमा रहि काम गरिरहेको अवस्थामा मकवानपुरगढी गाउँपालिकाका केहि राजनितिक अराजकहरुले आफु विरुद्ध पार्टी परिवर्तन गर्न लागेकोे हल्ला चलाएको भन्दै अधिकारीले आपत्ति जनाएका छन् ।
उहाँले अराजक समूहको हल्लाको पछि नलाग्न र त्यसमा कुनैपनि सत्यता नरहेको स्पष्ट पारेका छन् । आफु नेपाली कांग्रेसको ६ दशकदेखि अनवरत क्रियाशिल एक सिपाही रहेको उल्लेख गर्दै पार्टीको विभिन्न तह र तप्कामा रहेर पार्टीको विकास र उन्नतीका साथै पार्टीले दिएको जिम्मेवारी र निर्देशन कर्तव्यनिष्ठ भएर पालना गरिरहेको र भोलीका दिनमा पनि आफ्नो पार्टीप्रतिको निष्ठा र क्रियाशिलता निरन्तर रहने बताउनुभयो । उहाँले नेपाली कांग्रेसको प्राजातान्त्रिक आस्थामा गोलबद्ध हुन आम सर्वसाधरणलाई आग्रह समेत गर्नुभएको छ ।
