हेटौंडाः बागमती प्रदेश सभा सचिवालयमा एमाले दल विभाजन सम्बन्धी पत्र हालसम्म आएको छैन । प्रदेश सभाका १३ सांसदले एमाले परित्याग गर्दै विभाजन पछि दर्ता भएको पार्टी नेकपा एकीकृत समाजवादी रोजेका छन् ।
उनीहरुले समाजवादी रोजेपनि दल विभाजन पत्र प्रदेश सभामा दर्ता नभएसम्म एमालेको सरकार बहुमतमा रहेको छ । प्रदेश सभामा एमाले दल विभाजन भएको पत्र आएसँगै नेकपा एमाले अल्पमतमा पर्नेछ । त्यसको एक महिनाभित्र प्रदेशको मुख्मन्त्री अष्टलक्ष्मी शाक्यले विश्वासको मत लिनुपर्नेछ ।
निर्वाचन आयोगले प्रदेश सांसदहरुको आज निर्णय गरेसँगै एमाले विभाजन भएको पत्र प्रदेश सभा सचिवालयमा पठाउन सुरु भइसकेको निर्वाचन आयोगका सहप्रवक्ता कोमल प्रसाद धमालाले जानकारी दिनुभयो । शुक्रबार पत्र नपुगेको प्रदेश सभा सचिवालयमा आइतबार सम्म पुग्ने सहप्रवक्ता धमलाले बताउनुभयो ।
