हेटौंडाः बागमती प्रदेशको आज बसेको पूर्ण मन्त्रिपरिषद्को बैठकले मुख्यमन्त्री, मन्त्रीले नियुक्त गरेको राजनैतिक पदाधिकारीहरुको आचारसंहिता सम्बन्धी निर्णय गरेकोे छ । मुख्यमन्त्री अष्टलक्ष्मी शाक्यको अध्यक्षतामा बसेको मन्त्रिपरिषद्को बैठकले एक मात्र निर्णय गरेको भौतिक पूर्वाधार विकास मन्त्री केशवराज पाण्डेले जानकारी दिनुभयो ।
मन्त्रिपरिषद्को बैठकमा नवनियुक्त मन्त्रीहरु रचना खड्का, विजय सुवेदी, शान्तिप्रसाद पौडेल, प्रदीप कुमार कटुवाल क्षेत्री, आजय क्रान्ति र चन्द्र लामाको उपस्थिति थियो । उनीहरुले आज मन्त्रीको सपथ लिएसँगै पदभार ग्रहण गरेका थिए ।
