हेटौंडाः मकवानपुरगढी गाउँपालिकाले गत असार १० गते गाउँसभामा आगामी आर्थिक वर्षको नीति, कार्यक्रमसँँगै करिब ६३ करोड रुपैयाँको बजेट प्रस्तुत गरेको छ । स्वास्थ्य सेवालाई विश्वासिलो र भरपर्दाे बनाउने तथा गाउँमा बस्ने जनताले आधारभूूत स्वास्थ्य उपचार सेवा सजिलै गाउँबाट नै पाउन सकुन् भन्ने उद्देश्यले स्वास्थ्य क्षेत्रका कार्यक्रमलाई बजेटले प्राथमिकता दिएको भए पनि बजेट रकम उल्लेख गरिएको छैन ।
गाउँपालिकाले ल्याएको नीति तथा कार्यक्रम र बजेटमा हेल्थपोष्ट तथा सामुदायिक स्वास्थ्य इकाईहरुलाई अत्यावश्यक स्वास्थ्य उपकरण थप गर्दे क्रमशः सुविधायुक्त बनाउँदै लगिने बताइएको छ । प्रत्येक स्वास्थ्य संस्थामा आधारभूूत स्वास्थ्य सेवाका लागि आवश्यक पर्ने उपकरण व्यवस्थापन गरिने भएको छ । प्रत्येक घरलाई स्वास्थ्य बिमा कार्यक्रममा सहभागी गराउन स्वास्थ्य बिमा गर्ने कर्मचारी तथा स्वयम्सेविकालाई पूूर्णरुपमा परिचालन गरी स्वास्थ्य बिमा कार्यक्रमलाई प्रभावकारी बनाइने भएको छ ।
विश्वव्यापी फैलिएको कोभिडको दोस्रो भेरिएन्ट तथा सम्भावित थप संस्करणको प्रभावलाई न्यूूनीकरण गर्न सचेतनामूूलक अभियान तथा प्राविधिकरुपमा थप प्रभावकारी कार्यक्रम अगाडि बढाइने मकवानपुरगढी गाउँपालिकाले नीति तथा कार्यक्रम ल्याएको छ । किशोरी स्वास्थ्यलाई आवश्यक पर्ने सेनिटरी प्याड र बालबालिका जन्मनेबित्तिकै चाहिने न्यानो झोलालगायत अन्य सम्भावित सामग्री स्थानीय स्तरमा नै गुणस्तरीयरुपमा उत्पादन गरी वितरण गर्न प्रोत्साहन गरिने भएको छ ।
कोभिड १९ को दोस्रो भेरिएन्टबाट भएको प्रभाव र क्षतिलाई कम गर्न सचेत बनाउँदै स्वास्थ्यका मापदण्डको परिपालना गराई प्रभावकारी स्वास्थ्य सेवा प्रदान गरिनेछ । सबै पक्षसँग समन्वय गरी कोभिडको सम्भावित तेस्रो भेरिएन्टको प्रभावलाई कम गर्न सचेत गराई त्यसको तयारी गरिने नीति तथा कार्यक्रममा उल्लेख छ । कोभिड अस्थायी अस्पताल तथा आइसोलेसन वार्डको क्षमता वृद्धि गरी थप सुविधासम्पन्न गराइनेछ ।
मकवानपुर जिल्लाका स्थानीय तहहरुसँग समन्वय, सहकार्य र प्रदेश सरकारसमेतको सहयोगमा एक सुविधासम्पन्न सरुवा रोग अस्पातल निर्माण गर्ने महत्वपूर्ण अभियानलाई अगाडि बढाउने नीति गाउँपालिकाले लिएको छ । यसका लागि आवश्यक बजेट विनियोज गरिने भएको हो । कोभिडका संक्रमितहरुलाई राख्ने आइसोलेसन व्यवस्थित गर्ने र गाउँपालिकासम्म ल्याउन उनीहरुको आत्मबल बढाउन सहयोग गर्नुका साथै विभिन्न परीक्षणमा सहजीकरण गरिने सार्वजनिक नीति तथा कार्यक्रममा जनाइएको छ ।
स्वास्थ्य केन्द्र वा हेल्थपोष्ट नभएका सबै वडामा आधारभूत स्वास्थ्य सेवा उपलब्ध गराउन अघिल्लो आर्थिक वर्षमा सुरु भएको सामुदायिक स्वास्थ्य इकाईलाई आवश्यकताअनुसार थप जनशक्ति र भौतिक स्रोत साधनयुक्त बनाउन स्रोतको खोजी तथा प्रदेश र संघीय सरकारसँग अनुरोध गर्दै थप प्रभावकारी बनाइने भएको छ ।
स्वास्थ्य सेवा प्रभावकारीरुपमा गाउँमा नै उपलब्ध गराउने, अतिविपन्न वर्गका जनताले सजिलै स्वास्थ्य उपचारमा पहु“च राख्न सकुन् भन्ने उद्देश्यले गाउँपालिकाले १५ शैयाको अस्पातल बनाउन संघीय सरकारको विशेष अनुदानमा प्रक्रिया थालनी गरिएको छ । आगामी वर्षभित्र उक्त अस्पताल निर्माण सम्पन्न गरी शिशु,, बाल, मातृ मृत्युदर घटाउने र महिलाको प्रजनन स्वास्थ्यमा सुधार ल्याउन वर्थिङ सेन्टरमा प्रसुति गराउने व्यवस्थालाई प्रभावकारी बनाउने नीति तथा कार्यक्रम छ ।
यसका लागि नेपाल सरकारबाट प्राप्त हुने २ हजार ८ सय सुत्केरी प्रोत्साहन भत्तामा गाउँपालिकाको आन्तरिक आयबाट एक हजार ५ सय थप गरी ४ हजार ३ सय रुपैयाँ उपलब्ध गराउँदै आएकोमा आगामी आर्थिक वर्षमा ७ सय थप गरी ५ हजार रुपैयाँ उपलब्ध गराइनेलगायत स्वास्थ्य क्षेत्रको नीति तथा कार्यक्रम मकवानपुरगढी गाउँपालिकाले प्रस्तुत गरेको छ ।
