हेटौंडाः राष्ट्रिय सभाको चुनावको तयारीको विषयमा हेटौंममा बुधबार दलका प्रतिनिधिहरुसँग निर्वाचन कार्यालयले छलफल गरेको छ । छलफलको क्रममा धादिङ निलकण्ठ नगरपालिकाका मेयर भिमप्रसाद ढुंगनाले प्रधानमन्त्रीले बारम्बार संविधानको उल्लघंन गर्दै आएको आरोप लगाउनुभएको छ ।
उहाँले राष्ट्रिय सभाको चुनावको अघि निर्वाचन आचार संहिता लागू भइसकेपछि ४८ घण्टाअघि प्रचार गर्न नपाइने भएपनि प्रधानमन्त्री केपि शर्मा ओलीले एमालेका उम्मेदवार रामबहादुर थापालाई भोट मागेकोमा आपत्ति जनाउनुभएको छ । यस्तो प्रवृतिलाई गैरकानुनी, अलोकतान्त्रिक र संविधान मिच्ने काम भएको उहाँले भन्नुभयो ।
बागमती प्रदेशबाट राष्ट्रिय सभाको सदस्यको लागि बिहीबार हेटौंडाको भुटनदेवी माविमा मतदान हुँदैछ । एक सय ९ जना प्रदेश सांसद र बागमती प्रदेशको ११९ स्थानीय तहका २३८ जनाले मतदान गर्नेछन् ।
