हेटौंडाः संस्थागत सामाजिक उत्तरदायित्वका क्षेत्रमा रोटरीसँग सहकार्य गरिरहेको सिद्धार्थ बैंकको हेटौंडा शाखाले मकवानपुरगढी गाउँपालिकामा विद्यार्थीका लागि न्यानो कपडा वितरण गरेको छ ।
शुक्रबार एक कार्यक्रमका बीच मकवानपुरगढी गाउँपालिका–५ स्थित अमरसिंह आधारभुत विद्यालयका ६० जना विद्यार्थीलाई न्यानो कपडा वितरण गरिएको छ । सिद्धार्थ बैंकको हेटौंडा शाखाका प्रबन्धक अर्पण सञ्जेलले रोटरी क्लब अफ हेटौंडाका अध्यक्ष शिरोमणि प्याकुरेल मार्फत विद्यार्थीलाई न्यानो कपडा वितरण गर्नुभएको हो । न्यानो कपडा वितरण कार्यक्रममा मकवानपुरगढी गाउँपालिका ५ नम्बर वडा अध्यक्ष जीतबहादुर घिमिरे, हेटौंडा उपमहानगरपालिका १ नम्बर वडा अध्यक्ष सविन न्यौपानेको पनि उपस्थिति रहेको थियो ।
