हेटौंडाः अखिल नेपाल फुटबल संघ (एन्फा) को १३ वर्षभन्दा कम उमेर (यु–१३)का खेलाडी छनौट कार्यक्रम मकवानपुर जिल्लामा बिहीबार सम्पन्न भएको छ । मकवानपुरको हेटौंडास्थित वन विज्ञान अध्ययन संस्थानको खेल मैदानमा छनौट कार्यक्रम मंगलबारबाट सुरु भएको थियो ।
छनौट कार्यक्रममा सहभागी हुन २०६५ साल असोज १५ गतेदेखि २०६६ असोज १४ गतेसम्म जन्मेका किशोर खेलाडीहरुले जन्मदर्ता प्रमाणपत्र संलग्न गरी फारम भरेका थिए । छनौट कार्यक्रममा सहभागी भएका ७० जनाबाट ३२ जना छनौट भएको मकवानपुर जिल्ला फुटबल संघका अध्यक्ष टीका लामाले जानकारी दिनुभयो । छनौट भएका खेलाडीहरुलाई केही समयको प्रशिक्षणपछि एन्फामा लगिने बताइएको छ । विजयलाल श्रेष्ठ, सुविन घिमिरे र ज्ञानबहादुरको छनौट समितिले खेलाडी छनौट गरेको हो ।
