हेटौंडाः हेटौंडामा मान्छे बोक्ने अटोमा लागूऔषध गाँजा बोक्न थालेपछि एक जना अटोचालक पक्राउ परेका छन् । जिल्ला प्रहरी कार्यालय मकवानपुरबाट खटेको प्रहरीको टोलिले अटोचालक पर्सा जिल्ला घर भएको ४१ वर्षीय राजेन्द्र बहादुर दमाईलाई मंगलबार पक्राउ गरेको हो ।
हेटौंडा–१९ नेवारपानी स्थित पुर्व–पश्चिम लोकमार्ग सडकखण्डमा मनहरी तर्फबाट हेटौडा तर्फ आउँदै गरेको ना.२.ह.४१०९ नम्बरको अटोमा लागूऔष गाँजा ११ किलोसहित नेपाली ६७ हजार रुपैयाँ र भारतीय २५ सय रुपैयाँ प्रहरीले फेला पारेको थियो ।
अटो चालक दमाईले ल्याएको लागूऔषध गाँजा, पैसा र अटो प्रहरीले नियन्त्रणमा लिएर आवश्यक अनुसन्धान तथा कारवाही अगाडी बढाएको जिल्ला प्रहरी कार्यालय मकवानपुरका प्रहरी नायब उपरीक्षक ईन्द्र बहादुर रानाले जानकारी दिनुभयो ।
