हेटौंडाः मकवानपुरगढी गाउँपालिका–५, रुम्वाडाँडा देउरालीस्थित उज्जवल आधारभूत विद्यालयमा अध्ययनरत २२ जना विद्यार्थीलाई न्यानो कपडा र शैक्षिक सामग्री सहयोग गरिएको छ । साइकल अभियानका सदस्यहरु चन्द्रकुमार मानन्धर, राजुु थापा सारु मगर, सूर्य थापा, जीवन तिमल्सिना, शम्भु गहतराज लगायतले शनिबार विद्यार्थीलाई न्यानो कपडा तथा स्टेशनरी वितरण गरेको छ ।
करिब ५५ हजार रुपैयाँ बराबरको सहयोग गरिएको साइकल अभियानका सदस्य नरेश राजभण्डारीले जानकारी दिनुभयो । पर्यावरण, वातावरणका साथै स्वस्थ जीवनका लागि साईकल भन्ने नाराका साथ यसरी साइकल अभियन्ताहरुले मकवानपुर जिल्लामा विविध कार्यक्रम गर्दै आइरहेको छ ।
