हेटौंडाः नेपाली कांग्रेसका सभापति शेरबहादुर देउवाले अहिलेको कम्युनिष्ट सरकारले एकदलिय शासन व्यवस्था लागू गर्न खोजेको बताउनुभएको छ ।
सोमबार नेपाली कांग्रेसले देशभर सरकारको विरुद्ध विरोध प्रदर्शन गरेको छ । सोही क्रममा हेटौंडाको प्रदर्शनलाई सम्बोधन गर्नुहुँदै उहाँले ओलि सरकारले एकलौटि शासन गर्न खोजेको बताउनुभयो । उहाँले प्रधानमन्त्री ओलिकै कारण देशमा राजा आउ भन्ने नाराहरु सुनिन थालेको बताउनुभयो ।
कोरोना सङ्त्रमणका कारण देशमा जनताले उपचार नपाएको, कोरोना परीक्षण नबढाएको तथा महामारी नियन्त्रण भन्दा पार्टि र कुर्सिको लडाइमा सरकार फसेको उहाँले बताउनुभयो । उहाँले कोरोनाको कारण जनताले खान नपाएको तथा रोजगारी गुमेको भन्दै जनतामा वितृष्णा फैलिएको बताउनुभयो । जनताले गणतन्त्रलाइ विश्वास हुने खालको काम अहिलेको सरकारले गर्न नसकेको भन्दै सरकारलाई दबाब सिर्जना गर्न प्रदर्शन गर्नुपरेको बताउनुभयो ।
