हेटौंडाः स्वर सम्राट नारायण गोपालको ३० औं स्मृति दिवसको दिन शुक्रबार हेटौंडास्थित पिएम सेन्टरले स्वर सम्राट नारायण गोपालप्रति श्रद्धाञ्जली अर्पण गर्दै उहाँले गाउनुभएको गीतहरु प्रस्तुत गरेको छ ।
पिएम सेन्टरका सञ्चालक प्रमेन्द्र महर्जनसहित अनिल श्रेष्ठ, सुनिता शर्मा लुइटेल, बाबु क्षेत्री, शरणकुमार महत, श्याम तिवारी, घनश्याम ढकाल, राजकुमार रसाईलीले नारायण गोपालले गाउनुभएका तिम्रो जस्तो मुटु मेरो पनि, कसरी म भुलेँ केमा भुलेँ, तिमीलाई म के भनुँ, यति धेरै माया दिई, केही मिठो बात गर, गैरीखेतको तिरै हान्यो, तिम्रो मनमा लुकेको कुरा, पिरतीको मिठो तिर्सना बोलको गीत गाए ।
