हेटौंडाः बागमती प्रदेशको राजधानी हेटौंडामा रहेकोे मानवसेवा आश्रमको केन्द्रिय कार्यालयले उल्लेखनिय कार्य गर्दै आएको छ । सडक मानवहरुलाई आश्रममा ल्याएर आफ्नो परिवारसँग पुर्नमिलन समेत गराउँदै आएको छ । बुधबार हेटौंडा–१० बसपार्कबाट ७४ वर्ष बताउने पदम बहादुर थापालाई आश्रमले उद्धार गरेको हो ।
काठमाडौं टोखा नगरपालिका ११ घर बताउने उनको परिवारको पहिचान भएपनि पुष्टि हुन बाँकी रहेको मानव सेवा आश्रम हेटौंडाका होमनाथ पौडेलले जानकारी दिनुभयो । आधिकारीक रुपमा परिवारको पुष्टि भइनसकेका कारण परिवारको खोजीमा आश्रम लागिपरेको छ । परिवारबाट सामान्य खटपट परेपछि काठमाडौंबाट हेटौंडा सम्म आइपुगेका थापालाई आश्रमले आफ्नो परिवारसँग पुर्नमिलन गराउन प्रयास गरिरहेको जनाइएको छ ।
७४ वर्षिय थापाको कोरोना, एचआइभी लगायत स्वास्थ्य परिक्षण गर्दा सामान्य रहेको तथा अहिले स्वास्थ्य अवस्था ठिक भएको पौडेलले जानकारी दिनुभयो । परिवारको पुष्टि भएलगत्तै पुर्नमिलन गराउने प्रयास गर्ने उहाँले बताउनुभयो । ७४ वर्ष थापा भने आफ्नो परिवारसँग जान नचाहेको पाइएको छ ।
आश्रमले परिवारको सदस्यहरुसँग छलफल गरेर अगाढि बढ्ने जनाएको छ । वृद्धले आफ्नो परिवारका सदस्यहरुबाट भएको व्यवहारका कारण घर छाड्नुपरेको बताएका छन् । यद्यपि परिवारको खोजि गरेर आश्रम पुर्नमिलन गराउन सक्रिय रुपमा लागिपरेको छ ।
