हेटौंडाः हेटौंडा–५, पिप्लेमा निर्माणाधीन बहुउपयोगी कभर्ड हलका लागि १ लाख १ हजार १ सय ५ रुपैयाँ सहयोग रकम प्राप्त भएको छ । हेटौंडाका व्यवसायी योग्यराज सापकोटाले शनिबार पिप्ले युवा क्लबको नेतृत्वमा बन्दै गरेको कभर्डहलको फिनिसिङ्ग कार्यका लागि सहयोग रकमका साथै खेलकुद सामग्री सहयोग गर्नुभएको हो । सहयोगी सापकोटा आईएमई लाईफ इन्स्योरेन्स कम्पनिको हेटौंडा शाखाका वरिष्ठ म्यानेजर तथा संयुक्त बचत तथा ऋण सहकारी संस्थाको सञ्चालक हुनुहुन्छ ।
सापकोटाले ३५ हजार १ सय ५ रुपैयाँ बराबरको एक थान टेबल टेनिस बोर्ड र नगद ७० हजार रुपैयाँ सहयोग गर्नुभएको छ । निर्माणाधीन बहुउपयोगी कभर्ड हलमा पुगेर उहाँले सहयोग सामग्री र नगद रकम हस्तातरण गनु भएको हो । सहयोग रकम हस्तातरण कार्यक्रममा पिप्ले युवा क्लबका अध्यक्ष सुशील घिमिरेलाई सहयोग हस्तान्तरण गरिएको छ । सहयोग हस्तान्तरण कार्यक्रममा क्लबका पदाधिकारी तथा खेलाडीहरुको सहभागिता रहेको थियो ।
