हेटौँडाः दोलखा जिल्लाको भिमेश्वर नगरपालिका–९, पैरे चौउरमा आइचर गाडी आफै अनियन्त्रित भई सडकबाट खस्दा सहचालकको मृत्यु भएको छ । मृत्यु हुनेमा ४३ वर्षीय बिजय तामाङ रहेकोे बागमती प्रदेश प्रहरी कार्यालय हेटौँडाले जानकारी दिएको छ ।
मंगलबार सिन्धुपाल्चोकबाट भिमेश्वर नगरपालिका–९, चित्रेमा कुखुराको मल लिएर आउँदै गरेको बा ५ ख ५७३ नम्बरको आइचर गाडी आफै अनियन्त्रीत भई सडकबाट एक सय मिटर तल खसेको थियो । दुर्घटनामा चालक चित्रेका ३१ वर्षीय शंकर तामाङ र सह–चालक बिजय दुबै जना बेहोस भएका थिए । सह–चालक बिजयलाई होस आई उपचारका लागि च्छो–रोल्पा अस्पताल चरिकोट लगिएकोमा डाक्टरले बाटोमा नै मृत्यु भएको भनि घोषणा गरेको प्रहरीले जनाएको छ । चालक संकरको अवस्था मध्यम रहेकोले प्रहरीले नियन्त्रणमा लिई अनुसन्धान गरिरहेको छ ।
