हेटौँडाः मकवानपुरको भीमफेदी गाउँपालिका–४, चिउरी बगैँचामा श्रीमानले दाउरा प्रहार गर्दा ३९ वर्षीया अनिता गुरुङ बानियाँ घाइते भएकी छिन् । शनिबार बेलुका ७ बजेर ३० मिनेटको समयमा ३१ वर्षीय समीर बानियाँले श्रीमति अनितामाथि दाउरा प्रहार गरेको बागमती प्रदेश प्रहरी कार्यालय हेटौँडाले जानकारी दिएको छ ।
घरायसी विषयलाई लिई झै–झगडा हुँदा समिरले अनिताको टाउकोमा दाउराले हानेका थिए । दाउरा प्रहारबाट अनिता गम्भीर घाइते भएकी छिन् । घाइते अनितालाई उपचारका लागि हेटौँडा अस्पताल पु¥याइएकोमा सामान्य उपचार पश्चात थप उपचारका लागि सिएमसी चुरेहिल अस्पताल लगिएको छ । अनिताको टाउको र शरीरको विभिन्न भागमा भित्री चोट रहेको प्रहरीले जनाएको छ । प्रहरीले समीरलाई नियन्त्रणमा लिएको छ ।
