हेटौंडाः नारायणी अञ्चल आर्यवुद औषधालय हेटौंडा कार्यालयले आज हेटौंडाका जनप्रतिनिधी र पत्रकारहरुलाई आयूर्वेदको बारेमा अभिमुखिकरण गरेको छ । अञ्चल आयूर्वेद कार्यालय हेटौंडा कार्यालयका प्रमुख डा. सृष्टी श्रेष्ठको अध्यक्षतामा भएको कार्यक्रममा हेटौंडा उपमहानगरपालिकाकी उपमेयर मिना लामाको प्रमुख आतिथ्यता रहेको थियो । उपमेयर लामाले नगर कार्यपालिकाको बैठक बसेर प्रदेश स्तरिय आयूर्वेद अस्पताल बनाउन हेटौंडा उपमहानगरभित्र जग्गा उपलब्ध गराउने प्रतिबद्धता गर्नुभयो । त्यस्तै बागमती प्रदेशले आयूर्वेद अस्पतालको भवन निर्माण डिपिआर पनि भैसकेको छ । आज अभिमुखिकरणमा डा. सृस्टि श्रेष्ठ र बागमती प्रदेशको सामाजिक विकास मन्त्रालयका डा. रविन भूषाले आयूर्वेदको बारेमा जानकारी गराउनुभएको थियो ।
