हेटौंडाः काठमाडौंको कोटेश्वरस्थित लागूऔषध नियन्त्रण व्यूरोको विशेष टोलीले आइतबार दिउँसो लागूऔषध अफिमसहित मकवानपुरका पदमबहादुर थिङलाई नियन्त्रणमा लिएको छ ।
आइतबार दिउँसो २ बजेको समयमा विशेष सूचनाका आधारमा लागूऔषध नियन्त्रण व्यूरोको विशेष टोलीले हेटौंडा–११, थानाभर्याङबाट मकवानपुर जिल्लाको राक्सिराङ गाउँपालिका–३ का ३५ वर्षीय पदमबहादुर थिङलाई १ किलो ९ सय ५० ग्राम लागूऔषध अफिमसहित नियन्त्रणमा लिएको जिल्ला प्रहरी कार्यालय मकवानपुरले जानकारी दिएको छ । लागूऔषध नियन्त्रण व्यूरोबाट खटिएको टोलीले पदम बहादुर थिङलाई लागूऔषध अफिमसहित पक्राउ गरी जिल्ला प्रहरी कार्यालय मकवानपुरमा बुझाएकोमा आवश्यक अनुसन्धान भइरहेको पनि जिल्ला प्रहरी कार्यालयले जनाएको छ ।
