आफ्नो इच्छा भावनालाई प्रस्तुत गर्ने, एकअर्कासँग कुराकानी गर्ने, विज्ञान र प्रविधिको अन्तर्गत रहेको माध्यम नै सामाजिक सञ्जाल हो । जस्तै फेसबुक, इन्स्टाग्राम, टिकटक आदि । आजको युग भनेको विज्ञान र प्रविधिको युग हो । यो युगका प्रायः व्यक्तिहरु सामाजिक सञ्जालमा जोडिएर एक अर्कासँग अन्तरक्रिया गर्छन् । त्यसैगरी विद्यार्थी भनेको एक सानो बालक हो, जसले विद्यालयमा गई ज्ञान आर्जन गर्दछ । आजका विद्यार्थीहरु समेत सामाजिक सञ्जालमा जोडिएको पाइन्छ । विद्यार्थीहरुको सिकाई प्रक्रियादेखि व्यक्तिगत जीवनमा सामाजिक सञ्जालले थुप्रै सकारात्मक र नकारात्मक असर पारेको छ ।
सामाजिक सञ्जालमा हामी जस्ता युवाहरुले थुप्रै समय बिताइरहेको हन्छौँ । आफ्नो इच्छा लेख्न, कुनै घटनाको तस्बिर अपलोड गर्न, एकअर्कासँग कुराकानी गर्न, छलफल गर्न आदिका लागि हामी सामाजिक सञ्जालको प्रयोग गर्छौँ । साथै मनोरञ्जनका निम्ति पनि सामाजिक सञ्जालको प्रयोग गर्छौँ । अहिलेको युगमा सामाजिक सञ्जालले महत्वपूर्ण भुमिका निर्वाह गरेको छ । मानिसको दैनिक जीवनमा प्रवेश गरी मानिसको कार्यलाई सहज बनाएको छ । यस्ता सामाजिक सञ्जालले मानिसले घरमै बसी–बसी अरुको बारेमा थाहा पाउने, विश्वभरका गतिविधिबारे जानकारी पाउने योग्य बनाएको छ । यस्ता सामाजिक सञ्जालले सामाजिक सञ्जाल अजित भन्ने केटाले टिकटकको लतमा लागेर टिकटक बनाउन खोला गएकाले उसको निधन भएको थियो । विद्यार्थीहरुको मस्तिष्कमा असर पारेर विद्यार्थी जिवनमा यसले धेरै नकारात्मक असर पारेको छ ।
हामी विद्यार्थी हौँ । हरेक कुराको सकारात्मक र नकारात्मक असर हुन्छ भन्ने कुरा हामी सबैलाई थाहा छ । यो कुरा थाहा भएपनि हामी विद्यार्थी सचेत छैनौँ । अहिलेको युग विज्ञानको युग भएकाले सामाजिक सञ्जालको उपयोग गर्नु छ । तर समय मिलाएर हामी विद्यार्थीले सामाजिक सञ्जालको प्रयोग गर्न सक्छौँ । अति आवश्यक भए मात्र यस्ता सञ्जालको उपयोग गर्ने बानीको उत्थान गर्नु पर्छ ।
सामाजिक सञ्जालमा धरै बेर समय बितायौं भने हाम्रो पारिवारिक सम्बन्ध टाढा भएकाले यस्तो कहिल्यै गर्न हँुदैन । वास्तविक संसारमा समय बिताई आफ्नो उज्यालो भविष्य निर्माण गर्नपर्छ । अतः हामी सबै विद्यार्थीले यस्ता नकारात्मक असर पर्ने कार्य नगरी आफु समेत आफ्नो परिवारका लागि समय निकाल्नुपर्छ । साथै समय समयमा हामी विद्यार्थीले सामाजिक सञ्जाल विरुद्ध कार्यक्रममा भाग लिई यसको नकारात्मक असरबाट बच्नुपर्छ ।
