हेटौँडाः बागमती प्रदेश सरकारमातहतको आयुर्वेद औषधी केन्द्रले असार मसान्तसम्ममा १० प्रकारका आयुर्वेदिक औषधी उत्पादन गर्ने भएको छ । बागमती प्रदेशलाई आत्मनिर्भर बनाउने भन्दै प्रदेश सरकारले जडिबुटिको उत्पादन र प्रशोधन गर्ने औषधी केन्द्रको स्थापना गरेको थियो । चितवन जिल्लाको रत्ननगर नगरपालिकामा रहेको आयुर्वेद औषधी केन्द्रले औषधी उत्पादन सुरु गर्न लागेको बागमती प्रदेश सरकारको स्वास्थ्य मन्त्रालयका प्रशासक खगेश्वर गेलालले जानकारी दिनुभएको छ ।
औषधी उत्पादन गर्नका लागि मन्त्री परिषद्ले अनुमति दिइसकेको छ । यस्तै, आयुर्वेद औषधी केन्द्रले आर्थिक वर्ष २०८१/०८२ मा २३ प्रकारका औषधीको उत्पादन गर्ने लक्ष्य राखेको छ । मन्त्रालयले जनसङ्ख्या नीति बनाउने कार्यमा गरिरहेको गेलालले बताउनुभयो । मन्त्रालयले चालु आर्थिक बर्ष २०८०/८१ मा कुल ३३ वटा गतिविधि गर्ने योजना बनाएकोमा हालसम्म २९ वटा गतिविधि सम्पन्न गरिसकेको जनाएको छ ।
गेलालका अनुसार मन्त्रालयले १० बर्षदेखि १४ बर्ष उमेर समूहका किशोरकिशोरीहरु दिने भनेको हुय्मन प्यापिलोमाभाईरसको खोप दिन नसकेको, महिलाहरुको पाठेघरको मुखको क्यान्सरसम्बन्धी कार्य गर्न नसकेको, मस्तिष्कघातसम्बन्धी योजनाका लागि छुट्याइएको २ करोड बजेटको कार्यान्वयन गर्न नसकेको र महामारीजन्य रोग प्रतिकार्यका लागि क्षमता अभिवृद्धि गर्ने कार्यक्रम सञ्चालन गर्न नसकेको बताइएको छ ।
आगामी आर्थिक बर्ष २०८१/०८२ मा मन्त्रालयले कुल २५ वटा बुँदामध्ये नसर्ने रोग र मानसिक स्वास्थ्यलाई पहिलो प्राथमिकतामा राखेको छ । यस विषयमा सरोकारवालासँग समन्वय गरिने उहाँको भनाई छ । बागमती प्रदेशले सरकारी तथा माध्यमिक तहसम्म पढाई हुने ४ सय ८४ वटा विद्यालयमा नर्स राख्ने भएको छ । विद्यालय नर्स मार्फत विद्यार्थी, अभिभावक, शिक्षक र हरेक घरसम्म स्वास्थ्यका विभिन्न पक्षका बारेमा सन्देश पु¥याएर स्वस्थ जीवनशैली बन्ने उहाँको विश्वास छ ।
मन्त्रालयले सबै नीतिमा स्वास्थ्य नीतिहरु पास गरेको उहाँको भनाई छ । मन्त्रालयले लोपोन्मुख जनजाति महिलाले स्वास्थ्य संस्थामै प्रसुती सेवा लिन आएर पूण खोप लगाएमा ५ हजार रुपैयाँ नगद प्रोत्साहन गरिरहेको छ । यस्तै, हालसम्म ख वर्गमा शारीरिक अशक्त व्यक्ति, लोपोन्मुख सिमान्तकृत, आश्रममा आश्रित, महिला स्वास्थ्य सवयम्सेविकाहरुलाई पूर्ण बीमा दिने गरिएकोमा आगामी बर्ष गरिब दलितलाई पनि समावेश गर्ने बाताइएको छ ।
