हेटौंडाः मुक्तक दिवसको अवसरमा १३ औं मुक्तक वाचन शृङ्खला सम्पन्न भएको छ । बिहीबार मुक्तक मञ्च मकवानपुरको आयोजनामा मुक्तक दिवसको अवसर पारी १३ औं मुक्तक वाचन शृङ्खला सम्पन्न भएको हो ।
कार्यक्रममा १५ जनाले मुक्तक वाचन गरेका थिए । कार्यक्रममा देव निर्दोष, मिथिला अधिकारी, सुवास सजल, किशन पौडेल, सागर तिमल्सिना, मनोज पोख्रेल, देवराज तिवारी, मसान उपासक, सानु खनाल, निर्जल अर्याल, कमल नेपाल, विष्णु गौतम, अजिता ओझा, वैकुण्ठ लामिछाने र पुरुषोत्तम आचार्यले मुक्तक वाचन गर्नुभएको थियो ।
कार्यक्रम मुक्तक मञ्च मकवानपुरका अध्यक्ष डिबि बर्तौलाको सभाध्यक्षता तथा मुक्तक मंच मकवानपुरका सल्लाहकार हयागृब आचार्यको प्रमुख आतिथ्यतामा सम्पन्न भएको हो । कार्यक्रममा महाकाव्यकार मुना अर्याल, साहित्यसेवि मुक्ति गोबिन्द वैध, हास्यवङ्ग्यकार राजकुमार लामिछानेको पनि उपस्तिथि रहेको थियो । कार्यक्रममा मुक्तक मञ्च मकवानपुरका उपाध्यक्ष किशन पौडेलले स्वागत मन्तव्य राख्नुभएको थियो । कार्यक्रम मुक्तक मंच मकवानपुरका सचिव गोकर्ण लामाले संचालन गर्नुभएको थियो ।
