हेटौंडाः मकवानपुरगढी गाउँपालिकाको अन्तर गाउँपालिकास्तरिय चौथो संस्करणको शहीद रुद्र पाखिन–बासुदेव घिमिरे स्मृति फुटसल प्रतियोगिताको उपाधी हेटौंडा उपमहानगरपालिका “ए” ले जितेको छ । सोमबार भएको खेलमा हेटौंडा उपमहानगरपालिका “ए” ले आयोजक खेलकुद विकास समिति मकवानपुरगढीलाई ७–४ गोल अन्तरले पराजित गरेको हो ।
प्रतियोगितामा विजेता हेटौंडा “ए” ले १ लाख २५ हजार रुपैयाँसहित सिल्ड, मेडल र प्रमाणपत्र प्राप्त गरेको छ भने, उपविजेता बनेको आयोजक मकवानपुरगढीले ७५ हजार रुपैयाँमा चित्त बुझाएको छ । खेलको म्यान अफ द म्याच हेटौंडाका विश्व लामा घोषित भए । प्रतियगितामा विधागत उत्कृष्ट खेलाडीहरु बेस्ट गोलकिपर हेटौंडाका सुजन लामा, उत्कृष्ट गोलकर्ता आयोजक मकवापुरगढीका सुजन भोमजन, वेस्ट प्लेयर हेटौंडाका समिराज थोकर र खेलमा राइजिङ प्लेयर दुलभा कुमार दुलाल घोषित भएका छन । उत्कृष्ट खेलाडीले नगद ३ हजारसहित ट्रफी र मेडल प्राप्त गरेका छन् ।
