हेटौंडाः “जनतासँग माओवादी विशेष रुपान्तरण अभियान” अन्तर्गत नेकपा माओवादी (केन्द्र) बागमती गाउँपालिका कमिटीले सबै वडामा वडा सम्मेलन सम्पन्न गरेको छ । पार्टीले पालिकाभित्रका ९ वटै वडामा सम्मेलन गरी कमिटी पनि विस्तार गरेको हो । शनिबार ९ नम्बर वडामा, आइतबार १, २, ४, ६ नम्बर वडामा र सोमबार बागमती–३, ५, ७ र ८ नम्बर वडामा गरी वडा सम्मेलन गरेको हो ।
आइतबार बागमती–१ मा भएको वडा सम्मेलनले डोर बहादुर थापाको अध्यक्षतामा २९ सदस्यीय वडा समिति चयन गरेको छ । समितिको उपाध्यक्षमा प्रदिप राई, कोषाध्यक्षमा शान्तिमाया राई, सचिवमा रत्न बहादुर राई र सह–सचिव कुमार विष्ट चयन हुनुभएको छ । बागमती–२ मा राजकुमार सिन्चुरीको अध्यक्षतामा २९ सदस्यीय वडा समिति गठन भएको छ । समितिको उपाध्यक्षमा राजकुमार राई, सचिवमा प्रेम पाख्रिन, सह–सचिवमा विकी पहरी र कोषाध्यक्षमा सिर्जना पहरी श्रेष्ठ चयन हुनुभएको छ ।
यस्तै बागमती–३ मा भएको वडा सम्मेलनले वीर बहादुर थिङको अध्यक्षतामा समिति चयन गरेको छ । समितिको उपाध्यक्षमा विजय जिम्बा, प्रमिला माझी र वीर बहादुर पाख्रिन चयन हुनुभएको छ । यस्तै सचिवमा अभिषेक मोक्तान, सह–सचिवमा पन्चमान तितुङ, बसन्ती माया मोक्तान र कोषाध्यक्षमा तुलसा थोकर चयन हुनुभएको छ । बागमती–४ मा भएको सम्मेलनले भूमिलाल माझीको अध्यक्षतामा २९ सदस्यीय वडा समिति चयन गरेको छ । समितिको उपाध्यक्षमा मङ्गल बहादुर गोले, वीर बहादुर जिम्बा र मिलन पहरी चयन हुनुभएको छ । यस्तै सचिवमा श्याम लोप्चन, सह–सचिवमा नेमा दोर्जे थिङ, प्रमोद वाईबा र कोषाध्यक्षमा ज्योमो माया बज्यु चयन हुनुभएको छ ।
बागमती–५ मा भएको वडा सम्मेलनले विजय भोलनको अध्यक्षतामा पार्टी वडा समिति चयन गरेको छ । समितिको उपाध्यक्षमा हरी बहादुर पुलामी र सोम बहादुर भोलन चयन हुनुभएको छ । यस्तै सचिवमा श्रवण माझी, सह–सचिवमा श्रीकृष्ण विक र कोषाध्यक्षमा नाङ्साल माया थोकर चयन हुनुभएको छ । बागमती–६ मा भएको वडा सम्मेलनले पुकार अस्तानीको अध्यक्षतामा २९ सदस्यीय वडा समिति चयन गरेको छ । समितिको उपाध्यक्षमा जस्बिर घिसिङ, सचिवमा कमल बहादुर पुलामी, सह–सचिवमा अमृत कुमार भुजेल, दल बहादुर डिम्डुङ र कोषाध्यक्षमा सरस्वती भोलन चयन हुनुभएको छ ।
बागमती–७ मा भएको वडा सम्मेलनले अक्कल बहादुर गोलेको अध्यक्षतामा समिति चयन गरेको छ । समितिको उपाध्यक्षमा पुर्ण बहादुर राई र रविन थोकर चयन हुनुभएको छ । यस्तै सचिवमा सुजन भोलन, सह–सचिवमा बालकुमार पुलामी र कोषाध्यक्षमा अमृता राना चयन हुनुभएको छ । बागमती–८ मा भएको वडा सम्मेलनल पुर्ण बहादुर थिङको अध्यक्षतामा २९ सदस्यीय समिति चयन गरेको छ । समितिको उपाध्यक्षमा करण स्याङ्तान र चन्द्र बहादुर पाख्रिन चयन हुनुभएको छ । यस्तै सचीवमा दिल कुमार योन्जन, सह– सचिवमा विरेन्द्र समाल र कोषाध्यक्षमा विष्णुमाया घलान चयन हुनुभएको छ ।
बागमती–९ मा भएको वडा सम्मेलनले अशोक रखालको अध्यक्षतामा २९ सदस्यीय वडा समिति चयन गरेको छ । समितिको उपाध्यक्षमा सुरेश लोप्चन, सचिवमा सूर्य बहादुर घलान, सह सचिवमा निराजन थापा मगर र कोषाध्यक्षमा मनकुमारी सिंजाली चयन हुनुभएको छ ।
