१६६ जना नयाँ संक्रमित थपिए, संक्रमितको संख्या १५६७

हेटौंडाः नेपालमा कोरोना संक्रमितको संख्या १ हजार ५ सय ६७ पुगेको छ । पछिल्लो २४ घण्टामा १६६ जना नयाँ संक्रमित पहिचान भएको स्वास्थ्य तथा जनसंख्या मन्त्रालयले नियमित पत्रकार सम्मेलनको क्रममा आज जानकारी दिएको छ । पछिल्लो २४ घण्टामा १६२ जना पुरुष र ४ जना महिला संक्रमित भएका छन् ।

हालसम्म प्रदेश नम्बर १ मा १६५ जना, प्रदेश नम्बर २ मा ६२४ जना, बागमती प्रदेशमा ४५ जना, गण्डकी प्रदेशमा २३ जना, प्रदेश नम्बर ५ मा ५६० जना, कर्णाली प्रदेशमा १२३ जना र सुदुरपश्चिम प्रदेशमा २७ जना संक्रमित रहेका छन् । संक्रमित मध्ये पछिल्लो २४ घण्टामा दुईजनाको मृत्यु भएसँगै मृत्यु हुनेको संख्या ८ पुगेको स्वास्थ्य तथा जनसंख्या मन्त्रालयका प्रवक्ता डा. विकास देवकोटाले जानकारी दिनुभएको छ । संक्रमित मध्ये २२० जना निको भएका छन् ।