हेटौंडाः हेटौंडास्थित आइसोलेसन वार्डमा रहेका २५ जनासहित ३६ जनाको पीसीआर परीक्षणमा कोरोना भाइरस संक्रमणको अवस्था नेगेटिभ आएको छ । आइसोलेसन वार्डमा रहेका २५ जना र कोरोना संक्रमित हेटौंडा–४ की ५४ वर्षीया महिलासँग सम्पर्कमा रहेका ११ जनाको पीसीआर परीक्षण नेगेटिभ आएको हेटौंडास्थित आइसोलेसेन वार्डका भोला चौलागाईले जानकारी दिनुभयो । कोरोना भाइरस संक्रमित महिलाकी परिवारको भने काठमाडौंमै पीसीआर परीक्षण हुने बताइएको छ ।
पीसीआर परीक्षणमा कोरोना संक्रमण नेगेटिभ आएपछि आइसोलेसन कक्षबाट बिहिबार २० जना डिस्चार्ज भएका छन् । यस्तै बिहिबार थप १३ जना आइसोलेसन वार्डमा भर्ना भएका छन् । अहिले हेटौंडास्थित आइसोलेसन वार्डमा ९ जना महिलासहित ३६ जना रहेको चौलागाईले बताउनुभयो । आइसोलेसन वार्डमा रहेकाहरु अधिकांश भारतबाट घर फर्किएकाहरु छन् भने केही अन्य जिल्लावासी समेत छन् ।
