हेटौंडाः जिल्ला प्रहरी कार्यालय मकवानपुरका प्रमुख प्रहरी उपरीक्षक वामदेव गौतमलाई विदाई गरिएको छ । आइतबार एक कार्यक्रमका बीच बागमती प्रदेश प्रहरी कार्यालय हेटौंडाले प्रहरी उपरीक्षक गौतमलाई विदाई गरेको हो ।
२०५७ साल माघ १३ गते प्रहरी निरीक्षक पदबाट सेवा प्रवेश गर्नुभएका प्रहरी उपरीक्षक गौतम आज सोमबार ५५ वर्ष पूरा भई उमेर हदका कारण सेवा निवृत्त हुनुहुँदैछ । उपरीक्षक गौतमले गतवर्ष साउनमा मकवानपुरको प्रहरी प्रमुखको जिम्मेवारी सम्हाल्नुभएको थियो । उहाँले एक वर्ष मकवानपुर प्रहरी प्रमुखको जिम्मेवारी सम्हाल्नुभएको हो ।
विदाई कार्यक्रममा प्रहरी उपरीक्षक गौतमले संगठनमा लामो समय कार्यरत रहँदाको आफ्नो अनुभव सुनाउनुभयो । बागमती प्रदेश प्रहरी प्रमुख प्रहरी नायव महानिरीक्षक किरण राणा, प्रदेश प्रहरी प्रवक्ता प्रहरी वरिष्ठ उपरीक्षक दीपक रेग्मी र कार्यरत प्रहरी कर्मचारीहरुको उपस्थितिमा गौतमलाई विदाई गरिएको हो ।
