हेटौँडाः नेपाल रेडक्रस सोसाइटी पशुपतिनगर उपशाखा हेटौंडा–९ को आयोजनामा विश्व रक्तदाता दिवस (जुन १४) को अवसरमा रक्तदान कार्यक्रमको आयोजना गरिएको छ । नेपाल रेडक्रस सोसाइटी जिल्ला शाखा मकवानपुरका सभापति लालबहादुर थापाको प्रमुख आतिथ्य तथा उपशाखा सभापति जनक लम्सालको सभापतित्वको रक्तदान कार्यक्रम भएको हो ।
मानव रगतको समूह पत्ता लगाउने वैज्ञानिक डा. कार्ल ल्याण्डस्टाइनरको जन्मदिन जुन १४ को अवसर पारेर हरेक वर्ष विश्व रक्तदाता दिवस मनाइन्छ । “नियमित रुपमा रगत तथा प्लाज्मा दान गरौं, जीवन बचाउने कार्यमा हातेमालो गरौं” भन्ने नाराका साथ यस वर्षको रक्तदाता दिवस मनाइएको हो । नेपाल रेडक्रस सोसाइट २०२३ साल साउन १२ गतेदेखि रक्तसञ्चार सेवा गर्दै आइरहेको छ ।
कार्यक्रममा जिल्ला शाखाका उपसभापति खेमराज सापकोटा, यशोदा श्रेष्ठ, मन्त्री सुमित्रा काफ्ले, सदस्य गोकर्ण सुवेदीलगायत उपशाखा समितिका सदस्यहरुको उपस्तिथि रहेको कार्यक्रममा १८ जनाले रक्तदान गरेका छन् ।
