हेटौंडाः मकवानपुर उद्योग वाणिज्य संघ (मउवासंघ) ले भोलि मंगलबार हेटौंडाका बैंकहरु बन्द गराउन सहयोग गरिदिन भन्दै बैंकका शाखा प्रबन्धकहरुलाई ज्ञापनपत्र बुझाएका छन् । उद्योगी, व्यवसायी पीडित भएको अवस्थामा बैंकको चर्को व्याजले ग्रसित भएको भन्दै मकवानपुर उद्योग वाणिज्य संघको नेतृत्वमा चरणबद्ध आन्दोलन जारी छ ।
व्यवसायीको समूहले सोमबार हेटौंडा बजार क्षेत्रमा रहेका बैंकमा पुगेर शाखा प्रबन्धकलाई ज्ञापनपत्र बुझाएका हुन् । आर्थिक मन्दीले ग्रस्त उद्योग÷व्यवसाय क्षेत्र र सर्वसाधारणलाई थप पीडा दिन बैंकहरुले व्याजदर वृद्धि गरेको भन्दै आन्दोलन गर्न बाध्य भएको मकवानपुर उद्योग वाणिज्य संघका अध्यक्ष कृष्ण कुमार गुप्ताले बताउनुभयो ।
