हेटौंडाः दोलखाको कालिञ्चोक गाउँपालिका–८, मलेपुमा एकजना पुरुष मृत फेला परेका छन् । मृत फेला पर्नेमा कालिञ्चोक गाउँपालिका–९ बस्ने ७० वर्षीय जगत नाथ सेंडाई रहेको प्रहरीले जानकारी दिएको छ । सेंडाई घरमा थाहा नदिई हिडेकोमा आइतबार दिउँसो ४ बजको समयमा सोहि स्थान बस्ने बीर बहादुर माझीको घरको पछाडी करेसामा मृत फेला परेको प्रहरीले जानकारी दिएको छ ।
त्यस्तै धादिङ जिल्लाको गजुरी गाउँपालिका–२, बिहानी पेट्रोलपम्पस्थित त्रिशुली नदिको किनारामा एकजना युवती मृत फेला परेकी छिन् । मृत फेला पर्नेमा सिद्धलेक गाउँपालिका–६, कुम्पुर भञ्ज्याङ बस्ने २० बर्षीया हीरामाया घले रहेको प्रहरीले जानकारी दिएको छ । घले शनिबार घरायसी बादबिबादको कारण घरबाट हिँडेकोमा आइतबार दिउँसो ३ बजेर ५० मिनेटको समयमा त्रिशुली नदिको किनारामा मृत फेला परेकी हुन् । घलेको शव मुचुल्का पश्चात पोष्टमार्टमका लागि प्राथमिक स्वास्थ्य केन्द्र गजुरी पठाइएको प्रहरीले जानकारी दिएको छ ।
