हेटौंडाः अग्रगति बचत तथा ऋण सहकारी संस्था लिमिटेडले स्थापना दिवसको अवसरमा हेटौंडा—१ स्थित कालिका आधारभुत विद्यालयलाई स्टेशनरी तथा खेलकुद सामग्री वितरण गरेको छ । संस्थाको ८ औं स्थापना दिवसको अवसरमा बिहीबार विद्यालयलाई सामग्री वितरण गरिएको हो ।
सहकारीका अध्यक्ष बिकेशलाल श्रेष्ठले विद्यालयका प्रधानाध्यापक बैकुण्ठ पराजुलीलाई स्टेशनरी तथा खेलकुद सामग्री हस्तान्तरण गर्नुभएको हो । सामग्रीमा विद्यालयलाई आवश्यक पर्ने कपी, कलम, फुटबल र भलिबल १÷१ थान वितरण गरेको अध्यक्ष श्रेष्ठले जानकारी दिनुभयो । त्यस्तै, खाजा स्वरुप बिस्कुट ३ कार्टुन, चक्लेट ४ डिप्पा वितरण गरिएको छ ।
त्यस्तै विद्यालयलाई सामग्री वितरण पश्चात् अग्रगति बचत तथा ऋण सहकारी संस्थाका अध्यक्ष विकेश लाल श्रेष्ठ, उपाध्यक्ष केदार प्रसाद अर्याल, सचिव पबित्रा दाहाल लगायत कार्यसमितिका पदाधिकारीहरुले पदभार ग्रहण गरेका थिए ।
