हेटौंडाः आसन्न बैशाख ३० गते हुने स्थानीय तहको निर्वाचनका लागि मकवानपुर जिल्लाको मतदान केन्द्रहरुमा खटिने कर्मचारीहरुलाई तालिम दिन सुरु गरेको छ । आज शुक्रबार हेटौंडा–४ स्थित आधुनिक राष्ट्रिय माविमा मतदान केन्द्रमा सहभागी हुने कर्मचारीहरुलाई तालिम दिइरहेको हो ।
तालिममा ३ सय २१ कर्मचारी सहभागी छन् । तालिममा मतदान केन्द्रलाई कसरी व्यवस्थित र सफल बनाउने भन्ने जस्ता विषयहरुमा प्रशिक्षण गराइरहेको छ । यस्तै, मतदान केन्द्रमा खटिने कर्मचारीहरुको जिम्मेवारी र कानुनी प्रक्रिया जस्ता विषयमा प्रशिक्षण दिइएको छ । प्रशिक्षण आज साँझ ५ बजेसम्म चल्ने बताईएको छ । मकवानपुरमा ३ सय ५६ मतदान केन्द्र तोकिएको छ ।
