हेटौंडाः बागमती प्रदेशभित्र यात्रुवाहक सार्वजनिक सवारी साधनहरुमा नगदरहित विद्युतीय माध्यमबाट भाडा भुक्तानी गर्ने सम्बन्धमा प्रदेशभरका यातायात क्षेत्रका सम्बन्धित पक्षसँग बागमती प्रदेश सरकारको श्रम, रोजगार तथा यातायात मन्त्रालयले छलफल भएको छ ।
सार्वजनिक यात्रुवाहक सवारी साधनहरुले सरकारले तोकेको भन्दा बढी भाडा लिने भएकाले भाडादरमा एकरुपता ल्याउन बागमती प्रदेश सरकारले विद्युतीय माध्यामबाट भाडा भूक्तानी प्रणाली व्यवस्था गर्ने योजना ल्याएको हो । उक्त भाडा भुक्तानीलाई नगदरहित बनाई विद्युतीय प्रणालीबाट सञ्चालन गर्न विज्ञहरुसँग छलफल गरिएको बताइएको छ ।
यातायात क्षेत्रका सम्बन्धित पक्षसँग छलफल गरिएको श्रम, रोजगार तथा यातायात मन्त्रालयका सचिव नेत्र प्रसाद सापकोटाले जानकारी दिनुभएको छ । सचिव सापकोटाका अनुसार राष्ट्रबैंक, केन्द्र र श्रमिकहरुसँगको छलफलपछि योजना टुङ्गो लाग्ने बताउनु भयो ।
