हेटौंडाः पेट्रोलियम पदार्थको मूल्य पटक–पटक वृद्धि भई उपभोक्ताले चिन्ता व्यक्त गरिरहँदा हेटौंडामा विद्युतीय स्कुटरको नयाँ शोरुम सञ्चालनमा आएको छ । चिनिया कम्पनि याडेको विद्युतीय स्कुटर विक्री गर्ने गरी हेटौंडा–२, चौकीटोलमा वर्षा अटोमोवाइल्स आइतबारदेखि सञ्चालनमा आएको हो ।
६ घण्टामा व्याट्रि फुलचार्ज हुने स्कुटरले ७५ किलोमिटर यात्रा गर्न सकिने बताइएको छ । व्याट्रि फुल चार्ज गर्दा डेढ युनिट मात्रै विजुली खपत हुने कम्पनिको दावी छ । अहिले एउटै मोडलको स्कुटर आएको र मूल्य १ लाख ७० हजार रुपैयाँ रहेको उल्लेख गर्नुहुँदै सञ्चालक सवी भण्डारीले शोरुम उद्घाटनको अवसरमा १० हजार रुपैयाँ छुटको व्यवस्था समेत गरिएको जानकारी दिनुभएको छ ।
