हेटौंडाः हेटौंडा–२, चौकीटोलस्थित ओम वृद्वाश्रमलाई एक साताको अवधिमा ६६ हजार रुपैयाँ नगदसहित खाद्यान्न सहयोग प्राप्त भएको छ । मकवानपुर जिल्लाका विभिन्न स्थानका व्यक्तिहरुले आफ्नो अथवा परिवारका सदस्यको जन्मोत्सव तथा स्मृति दिवसमा आश्रमलाई नगद तथा खाद्यान्न सहयोग गर्ने गरेको आश्रमका अध्यक्ष सिद्धिलाल श्रेष्ठले जानकारी दिनुभएको छ ।
आफ्नै भवन रहेको ओम वृद्वाश्रममा अहिले २५ जना ज्येष्ठ नागरिक आश्रित छन् । हेटौंडा–४ निवासी शान्ति रिजालले ११ हजार एक सय रुपैयाँ, नम्रता रिजालले जन्मदिनको अवसरमा ६ हजार रुपैयाँ सहयोग गरेका छन् ।
हेटौंडा–१० निवासी उमा बस्कोटाले आमाको स्मृतिमा ३ हजार १० रुपैयाँ र हेटौंडा–३ बसामाडी निवासी मीना थोकरले पितृको नाममा २ बोरा चामल, ५ केजी चिनी, दाल ५ केजी र तेल सहयोग गरेको वृद्वाश्रमका अध्यक्ष श्रेष्ठले जानकारी दिनुभयो ।
सन्दिप सागर श्रेष्ठले आफ्नो जन्मदिनको अवसरमा चाउचाउ, विस्कुट, ५ केजी चिनी र चियापति आधा केजी सहयोग गर्नुका साथै ५ हजार ५ सय ५५ रुपैयाँ नगदसहित आजीवन सदस्य बन्नुभएको छ । हेटौंडा—१ निवासी शरदादेवी श्रेष्ठले १० हजार ५ रुपैया“ नगद सहयोग गर्नुभएको जानकारी अध्यक्ष श्रेष्ठले दिनुभयो ।
यसैगरी हेटौंडा— २ निवासी रश्मी बज्राचार्यले सुपुत्र कृष मानन्धरको जन्मदिनको अवसरमा एक छाक खाना र १० हजार ५० रुपैयाँ नगद सहयोग गरेका छन् । हेटौंडा—४ निवासी सम्झना श्रेष्ठले स्वर्गीय आमाको पुण्यतिथिमा ११ हजार एक सय ११ रुपैयाँ सहयोग गरेको उहाँले बताउनुभयो । हेटौंडा—१ चौकीटोल निवासी अम्मिता अर्यालले स्वर्गीय बुबा शिवप्रसाद अर्यालको ६ महिनाको पुण्यतिथिमा २ केजी अंगुर, २ केजी स्याउ, २ प्याकेट चिउरा र एक किलो राजमा सहयोग गरेका छन् ।
हेटौंडा—११ नवलपुर निवासी उमेशलाल श्रेष्ठको ममतामायी माता स्वर्गीय चिरमानी श्रेष्ठको १३ औं दिनको पुण्यतिथिमा ५ केजी गहुँको पिठो, चिउरा एक केजी, जेरी तथा फलफूलसहित एक हजार ५ सय रुपैयाँ नगद सहयोग गरेको अध्यक्ष श्रेष्ठले बताउनुभयो । शान्ता लामाद्वारा सुपुत्री सन्जो लामाको जन्मदिनको अवसरमा २ बोरा चामाल, ६ केजी दाल, ५ लिटर तेल, ८ प्याकेट दालमोठ र ४ प्याकेट कर्नफ्लेक्स सहयोग गरेका छन् । यस्तै भुजा, चाउचाउ, विस्कुट र मकैको च्याँख्ला २ केजी पनि सहयोग गरेको उहाँले जानकारी दिनुभयो ।
कालीप्रसाद गण भैंसे ब्यारेकबाट मासको दाल २५ केजी, नुन २० केजी, तेल १० लिटर र एक केजी चियापति सहयोग गरिएको छ । हेटौंडा—९, लामसुरे निवासी कृष्णबहादुर कँडेलले स्वर्गीय श्रीमती सीतादेवी कँडेलको पुण्यतिथिमा ५ प्याकेट बिस्कुट, ५ लिटर दूध, एक कार्टुन फ्रुटी सहयोग गरेका छन् । हेटौंडा—४, गर्दोई निवासी स्वर्णिम भुषालको जन्मदिनको अवसरमा बुबा डोल्पराज भुषालबाट ५ प्याकेट बिस्कुट र दूध ५ लिटर सहयोग गरेको अध्यक्ष श्रेष्ठले बताउनुभयो ।
