हेटौंडाः मकवानपुरको कैलाश गाउँपालिका–६ मा दाजुभाई बीच कुटाकुट हुँदा एक जनाको ज्यान गएको छ । ३० वर्षीय सिताराम मोक्तान र ३३ वर्षीय नन्दरे मोक्तानबीच कुटाकुट हुँदा नन्दरेको ज्यान गएको हो । आइतबार दिउँसो ३ बजेतिर उनीहरु बीच कुटाकुट भएको थियो ।
घटनामा संलग्न सिताराम मोक्तानलाई अहिले प्रहरीले नियन्त्रणमा लिएको जिल्ला प्रहरी कार्र्यालय मकवानपुरका प्रहरी निरीक्षक देवन्द्र दासले जानकारी दिनुभयो । मृतक नन्दरेको शव अहिले पोष्टमार्टमका लागि हेटौंडा अस्पातालमा ल्याउने कार्य भइरहेको दासले बताउनुभयो । घटनाको बारेमा थप अनुसन्धान भइरहेको उहाँले बताउनुभयो ।
