हेटौंडाः मकवानपुर प्रहरी प्रमुखको जिम्मेवारी सम्हाल्नु भएका प्रहरी उपरीक्षक (एसपी) सुरेन्द्र बहादुर गुरुङले पत्रकारसँग भेटवार्ता गर्नुभएको छ । जिल्ला प्रहरी कार्यालयमै बुधबार मकवानपुरका पत्रकारसँग भेटवार्ता गर्नुहुँदै प्रहरी प्रमुख गुरुङले मकवानपुरको सुरक्षा व्यवस्था कायम राख्न १७ बुँदे प्राथमिकताको सूचि प्रस्तुत गर्नुभएको छ ।
एसपी गुरुङले छिटो, सरल, समान र नागरिकमुखी सेवा प्रवाह गरिने बताउनुहुँदै आपराधिक क्रियाकलापलाई कठोरताका साथ नियन्त्रण गर्न विवेकपूर्ण कदम चालिने बताउनुभयो । मकवानपुरसँग सिमाना जोडिएका जिल्लाबाट हुने चोरी, निकासी नियन्त्रणमा कडा कदम चाल्ने उहा“ले बताउनुभयो । घरेलु मदिरा, यौनजन्य क्रियाकलाप, जुवातास, चोरी, लुटपात र बजारमा हुने कालोबजारी नियन्त्रण गर्नु पनि आफ्नो प्राथमिकताको सूचिमा रहेको गुरुङको भनाइ छ ।
