हेटौंडाः बागमती प्रदेशको मुख्यमन्त्री राजेन्द्र पाण्डेले विश्वासको मत दिएर राजनैतिक संस्कार विकास गर्न आग्रह गर्नुभएको छ । उहाँले विश्वासको मत माग्दै मत दिएर सरकारलाई सबल बनाउन सहयोग गर्न आग्रह गर्नुभएको हो ।
मुख्यमन्त्री पाण्डेलाई ३ दल नेकपा एमाले (४३), विवेकशील साझा (३) र नेमकिपा (२) ले विश्वासको मत नदिने घोषणा गरेका छन् । यस्तै गठबन्धनको नेपाली कांग्रेस २२, माओवादी २३ र जसपाका १ सांसदले विश्वासको मत दिने भएका छन् ।
प्रदेश सभामा विश्वासको मत विभाजन कार्य सुरु भएको छ । विश्वास हुने सांसदहरुले छुट्टै कक्ष, नहुने सांसदहरुले छुट्टै कक्ष र तटस्थ हुने सांसदहरुले छुट्टै कक्षमा आफ्नो नाममा दस्तखत गर्नुपर्नेछ । प्रदेश सभा सचिवालय भित्र मत विभाजन कार्य सुरु भएसँगै सबै ढोकाहरु बन्द गरिएको छ भने मत संकलन नभएसम्म कोही बाहिर निस्कन नपाउने भएका छन् ।
