हेटौंडाः बागमती प्रदेशको मुख्यमन्त्री राजेन्द्र पाण्डेले कात्तिक २२ मा प्रदेश सभाबाट विश्वासको मत लिनुहुने भएको छ । प्रदेशमा गठबन्धनबाट मुख्यमन्त्रीमा नियुक्त हुनुभएका पाण्डेले तिहार लगत्तै विश्वासको मत लिन प्रदेश सभामा सुचना दिइसक्नुभएको छ ।
बागमती प्रदेश सभाले विश्वासको मत लिने सुचना दर्ता भइसकेको जनाएको छ । नेपाली कांग्रेस, माओवादी र जसपाको समर्थनमा नेकपा एकीकृत समाजवादीका नेता पाण्डे बुहुमत पुर्याउने दाबीसहित मुख्यमन्त्रीमा नियुक्त हुनुभएको हो ।
बागमती प्रदेशमा अहिले मुख्यमन्त्री बाहेक ३ मन्त्रीहरु नियुक्त भएका छन् । प्रदेशको आठ मन्त्रालयमध्ये सामाजिक विकास मन्त्रीमा माओवादीका कुमारी मोक्तान, आन्तरिक मामिला तथा कानुन मन्त्रालयमा एकीकृत समाजवादीका कृष्ण खनाल र भौतिक पूर्वाधार विकास मन्त्रीमा कांग्रेसका कृष्ण भँडेल छन् ।
विश्वासको मतपछि प्रदेशमो मन्त्रिपरिषद्ले पूर्णता पाउनेछ । गठबन्धनको समर्थन एक हुँदा तत्कालै मुख्यमन्त्री पाण्डेले विश्वासको मत लिने तयारी गर्नुभएको हो ।
